මාතොටින් එන උතුරු හුළඟේ - ගිනි සිඹින මඩු පල්ලියේ
දෑස් අග මුතු කඳුළු හංගන - සරෝජා මගෙ දෝණියේ
වෙඩි හඬට පොඩි අකුරු ඇදවෙයි - මක් කරන්න ද පැංචියේ
ගුරුතුමී මා සිසුවිය යි නුඹ - ඒත් අපි එක පන්තියේ...
කර වටින් අත දමා හිනැහුණු - කෝ නුඹේ පොඩි යාළුවන්
දයාවක් නැති ලෝකයක් දැක - උන් ගිහින් පැන මායිමෙන්
තාත්තා හීනෙන් ඇවිත් - අත වනන තුරු කඳවුරු දොරින්
කාටවත් දුවේ කවුරුන් - නුඹ රකීවි ද සෙනෙහසින්...
මාතොටින් එන....
මන්දිරේ දොර නුඹව කැඳවයි - බේබිලා හඬනා හඬින්
මායිමේ වැට හඬ ගසයි හෙට - අවි දරා රකිනා ලෙසින්
දමා ගොදුරට කෙලෙස යන්න ද - ඒත් යන්නට වෙයි ඉතින්
වරක් දැක සිත නිවා ගන්නට - දුවේ ඩිංගක් හිනැහියන්...
මාතොටින් එන...
ගායනය: දීපිකා ප්‍රියදර්ශනී පීරිස්
ගී පද: මහින්ද දිසානායක
No comments:
Post a Comment