කුරුල්ලන්ට ගී ගයන්න ඔබෙ කටහඬ දෙන්න
නෙළුම් විලේ මල් පිපෙන්න ඔබෙ දෙකොපුල දෙන්න
මැණික්වලට දිස්නෙ දෙන්න ඇසේ කැළුම් දෙන්න
නා දල්ලට පාට දෙන්න ඔබෙ තොල් පෙති දෙන්න...
ගලන ගඟට රළ නගන්න ඔබෙ කඳුළැලි දෙන්න
ඉරට හඳට එළිය දෙන්න ඔබෙ හසකැන් දෙන්න
නීල වලා සළු එලන්න ඔබෙ කෙහෙරැලි දෙන්න
දේදුන්නට හැඩය ගන්න ඔබෙ නෙත් බැමි දෙන්න
කුරුල්ලන්ට ගී ගයන්න.....
තණ නිල්ලට ඔබෙ දෙපතුල මොළකැටි බව දෙන්න
නල රැල්ලට ඔබේ සුසුම්වල සිහිලස දෙන්න
ජීවත් වන ඩිංගට මට සැනසිල්ලෙන් ඉන්න
එපා මැණිකෙ හිත පමණක් කිසිවෙකුට ත් දෙන්න
කුරුල්ලන්ට ගී ගයන්න.....
ගායනය: වික්ටර් රත්නායක
ගී පද: ප්‍රේමකීර්ති ද අල්විස්
සංගීතය: වික්ටර් රත්නායක
No comments:
Post a Comment