සඳ නැ‍‍ඟෙනා තුරු තනි මේ රාත්‍රියේ
මී මල් සුවඳක් අරන් ඇදෙන සුළ‍ඟේ
බමරෙකු ඇදුණා ඒ මල් සුවඳ දිගේ
මලේ සුවඳ මට දැනුණා හීන් සැරේ..
ඉරිමා උදයේ සිහිනය සිතක සදා
ඔබේ මගේ හද හැඟුමන් පුබුදු කළා
එවන් අතීතේ මිහිරක් හිතේ තියා
කඳුළු විලේ රත් පියුම් පිපී තිබුණා..
සඳ නැගෙනා තුරු.....
බාල වියේ බැඳි සෙනෙහස තුරුළු කරන්
සදා සොඳුරු ලොව තව මල් පීදියන්
සිහිනය සේ ඔබ ඈතින් ඇදෙන ලෙසින්
සඳ ත් රැය ත් මගෙ තනියට ළඟ ම ඉඳින්..
සඳ නැගෙනා තුරු.....
ගායනය: ඩබ්ලිව්.ඩී. ආරියසිංහ
ගී පද: දයානන්ද රත්නායක
සංගීතය: එච්.එම්. ජයවර්ධන
