පි: නිර්මලා ලොන්ඩරිය හිමි
සළුවඩන මැණිකේ නිර්මලා
මල් හිනා නුඹෙ තැවරිලා කිරි
ඉද්ද මල්වැට පීදිලා...
ගැ: කුල ගෙවල් සැරසිලි කළත් අපි
සළු වඩා පාවඩ එලා
නිර්මලා නිර්මල නැතැයි මා
ඔබෙ ලොවින් පිටමන් කළා...
පි: පන්තියේ මිතුරන් එදා කළ
විහිළුවෙන් හිත රිදුණු දා
මා හෙළුෑ කඳුළක් මගේ දින
පොතක තිබිලා හමුවුණා...
ගැ: යුද වැදී නෑ සියන් බළමුළු
අපේ ලොව ගිනි වැදුණු දා
මා හෙළුෑ කඳුළින් තෙමුණු සළුපිළි
තව ම නෑ වේලිලා..
පි: දොවා ලන්නට බැරි පිළී ගඳ
කහට කුලමල තවරලා
මගෙ ඇඳුම් ඔබෙ අතට දෙන එක
දරන්නට බෑ නිර්මලා...
ගැ: එදා සෙනෙහස නොකිලිටිව ඔබෙ
හිත පුරා පවතින නිසා
හිමිනැතත් මට හුරු සුවඳ ඒ
ඇඳුම් අතරේ තියනවා...
නිර්මලා...
ගායනය : ගුණදාස කපුගේ, නිරන්ජලා සරෝජිනී
ගී පද : රත්න ශ්‍රී විජේසිංහ
සංගීතය : ගුණදාස කපුගේ
No comments:
Post a Comment