සඳ හාදු දිදී වලාකුළට
සේද යහනතේ
නිල් තාරකා කුමාරියන්ගෙ
ප්‍රේම විජිතයේ//
නුඹ තාම නිදි ද
නුඹ තාම නිදි ද
කඩුපුල් මල් දේවතාවියේ
මල් මාලතී ලතා මඩුල්ල
නෙතු පියා හිඳී
මුදු මල් ගැබේ යහන් තුරුල්ල
භෘංගයින්ට දී
කට කොනින්වත් හිනා නොවී ම
දේවතා නිදී
සඳ හාදු දිදී ...
විල් තලේ රිදී රැල් නැගේවි
රංගනේ යෙදී
මුදු මන්දහාස දී පිපේවි
සොඳුරු කෞමදී
මට තනියි මගේ හිත පාළුයි
නුඹ තවම නිදී
සඳ හාදු දිදී ...
ගායනය: චන්දන ලියනාරච්චි
ගී පද: රත්න ශ්‍රී විජේසිංහ
සංගීතය: රෝහණ වීරසිංහ
No comments:
Post a Comment