හඬන පණ නල යදින සැනසුම
දැවී යයි හද චිතකයේ
කඳුළු බිඳුවක සිසිල පමණකි
වියළි කතරට හිමි වුණේ...
යොවුන් සිතිවිලි විපිළිසර වී
මහලු ලොව තුළ මිය ඇදේ
සයින් පීඩිත හඞන සුරගුරු
යදී සිඟමන් මාවතේ
හඬන පණ නල...
රකුසු පියසක පිපුණු කුසුමට
මලවි හමුවන පින නැතේ
දෑස නැති විට නුහුරු මං පෙත
සරණ පා යුග පටලැවේ
හඬන පණ නල...
ගායනය: විශාරද සුනිල් එදිරිසිංහ
පද රචනය: කේ.ඩී.කේ ධර්මවර්ධන
සංගීතය: ලක්ෂ්මන් විජේසේකර
("හිමි අහිමි " ටෙලි නාට්‍යයේ තේමා ගීතය)
No comments:
Post a Comment