නර්තන ලීලා - මා මන බන්ධන
නෙතු සිතු මායා - අංජන ගල්වන
සිතුවිලි ගඟ දිය නිබඳ කළම්බන
රාධා දෝ නුඹ...
යමුනා ගංතෙර
සුවහස් දන මන - සනහන නළවන
විදුලිය ලෙස නෙත් කැළුම් විදාලන ...//
හැඟුම් පොකුරු නිති යුහුසුළු කරවන
රාධා දෝ නුඹ... යමුනා ගංතෙර...//
ඉඟ සුඟ මුදු බඳ
කෝමළ නර්තන
මා නෙතු යුවළට සීමා කළ මැන ...//
කරළිය පාමුළ දෑස අඳුරු කර
රාධාවෙනි නුඹ... එනු මැන මා වෙත ...//
නර්තන ලීලා - මා මන බන්දන
නෙතු සිතු මායා - අංජන ගල්වන
සිතුවිලි ගඟ දිය නිබඳ කළම්බන
රාධා දෝ නුඹ... යමුනා ගංතෙර
රාධා දෝ නුඹ... යමුනා ගංතෙර ...///
ගායනය: අමරසිරි පීරිස්
ගී පද: අනුර ප්‍රසන්න
සංගීතය: නවරත්න ගමගේ
No comments:
Post a Comment