සතර වරම් දෙවි මහරජ
සතර අතින් ඇවිදින්
පිරිත් පැන් ඉසිති පුතුනේ
පුවක් මල් කිනිත්තෙන්...//
පළා පෙති බැඳන් ගෙල වට
හංස පියාපත් සලමින...//
නුඹේ පා යටින්
සඳකඩපහණ පායලා
බ්‍රහස්පතී තාරකාව
මුදුන් වී සරත් නුබ ගැබ
ස්වර්ණමාලි මහ සෑ අග
කොත් පලන්දලා...//
සතර වරම් දෙවි මහරජ
සතර අතින් ඇවිදින්
පිරිත් පැන් ඉසිති පුතුනේ
පුවක් මල් කිනිත්තෙන්...//
කලා වැව් දියේ උත්පල
නෙලා ගෙනැ ඇඟිලි පොකුරට...//
අප්සරාවියන් ලෙන් දොර
බලා හිඳිනවා
වලාහක දෙවිඳු
ඉසිවර ඇසින් බල බලා පුතු දෙස
ඉසුරුමුණි විහාරය ළඟ
අන්න හිඳිනවා...//
සතර වරම්.....//
ගායනය: ඩබ්ලිව්.ඩී. අමරදේව
ගී පද: රත්න ශ්‍රී විජේසිංහ
සංගීතය: ඩබ්ලිව්.ඩී. අමරදේව
No comments:
Post a Comment