විරාග රාගය - අමරසිරි පීරිස්, අමල් පෙරේරා

Viraga Ragaya - Amarasiri Peiris, Amal Perera

විරාග රාගය අතරේ 
තනි වූ ආලය
විරාම දෙයි එක් හදකට 
පුදා පරාජය
විරාග රාගය අතරේ 
තනි වූ ආලය
දුරලයි තනිකම ලබමින් 
මගේ සරාගය...

ඔබ අඩවන් නෙතු 
කරමින් ඈ නතු
ඇගේ පහන් ලොව ඈ 
මනසින් බිඳ හල දා 
ඈ මුකුලිත වූවා
කර ගනු ඈ සතු 
නොරිසි ඔබේ සිතු
ඈතින් ඔබෙ මුනිවර 
මනසින් පෙම්කළ දා 
ඈ අසරණ වූවා...

විරාග රාගය.....

නුරා එගිනි දලු 
ඈ දවමින් ගෙතු
සළෙල ගීතයට ඈ 
තනුවක් කර ගත් දා 
ඈ ලොව අහිමි වුණා
ඔබේ මිලින ගති  
ඇයට නොවේ රුති
පෙමින් තොරව ඇගේ 
දිවිය කතරක් වූ දා 
ඈ මවෙතට ආවා...

විරාග රාගය.....

ගායනය: අමරසිරි පීරිස්, අමල් පෙරේරා
ගී පද: බන්දුල නානායක්කාරවසම්
සංගීතය: සුරේෂ් මාලියද්ද