මරතෝඬිය රටා ඇඳී අතේ කැකුළු හිතේ
මොට්ටැක්කිලි තිරෙන් වැසී රටා වැළපෙතේ
මුක්කතෝඩි තිරුවංගල් එළියට අත වනනා
රාමලාන් සඳ බලන්න එන්න පාතිමා
රාමලාන් සඳ බලන්න එන්න පාතිමා...
වාංගු හඬ පූජාවේ තුන් යමට ම ඇසෙනා
තාංගු දෙයි හීන් දුකක් හිත ළඟ ගුලි ගැහිලා
කාන්සියට පැළලි වැටේ කවුළු දොරින් එබෙනා
හීන් සැරේ ගෙට යනව ද හිත දොරකඩ තියලා
හීන් සැරේ ගෙට යනව ද හිත දොරකඩ තියලා...
මරතෝඬිය රටා ඇඳී.....
එළු රෑනේ වැලි පාරේ පිය සටහන් මකලා
මුන්දානිය ගෙළ එතුණා නුඹ එහි සිර කරලා
පාට පාට සමනලියන් පැළලි වැටෙන් දකිනා
හීන වඩන හිත් ගොමුවේ කඳුළු මලක් පිපුණා
හීන වඩන හිත් ගොමුවේ කඳුළු මලක් පිපුණා
මරතෝඬිය රටා ඇඳී.....
ගායනය: කරුණාරත්න දිවුල්ගනේ
ගී පද: මහින්ද චන්ද්‍රසේකර
තනුව: ගුණදාස කපුගේ
No comments:
Post a Comment