ඉස්සර මා ඔබ දකින්න ආවේ
මුව සරසාගෙන සිනාවකින්
දැන් ඉඳ හිටලා බලන්න එන්නේ
දරන්න බැරි වේදනාවකින්
මට ඔබ හිරු මෙන් විශ්වාසයි කී
ඔබට ම මා ගැන සැක සිතිලා
වැරදි සොයනව ද සමුගෙන යන්නට
වෙන හද කුටියක දොර හැරලා
එවන් තෑනකදී ඔබගේ යහපත
දියුණුව සම්පත සැලසේ නම්
මගේ දිවිය හැර අනිත් සියලු දේ
කැප කෙරුමට මා සුදානම්
මගේ නිදොස් බව වටහුණ දිනකදි
කිව මැන අප දත් කෙනෙකු සොයා
එය දැන ගත් පසු මම සැනසිල්ලේ
සැනසෙන්නම් මගෙ දෙනෙත පියා
මට ඔබ හිරු මෙන් විශ්වාසයි කී
ඔබට ම මා ගැන සැක සිතිලා
වැරදි සොයනව ද සමුගෙන යන්නට
වෙන හද කුටියක දොර ඇරලා
ඉස්සර මා ඔබ.....
ගායනය: ප්‍රියා සූරියසේන
No comments:
Post a Comment