නිම් වළල්ලෙන් එපිට සඳ රැස්
ගලන නිල් මිටියාවතේ
නිහඬතාවය තුළින් මතු වී
ඔබේ පා මුදු හඬ ඇසේ...
පෙළ ගැසී දුර වන්දනාවක
ඉගිළ යන සමනලුන්නේ
පියාපත් මත තබා ඔබ මා
අනන්තය වෙත රැගෙන යේ...
දහස් මුවෙකින් නැගෙන ඔල්වර
සිනා හඬ දසතින් ඇසේ
දහස් ගණනක් සෙනග අතරේ
මහා තනියක් මට දැනේ...
අහස් ගඟබඩ හිමවු කුළුමත
ඔබේ රන් මිණි විමානේ
පහන් දල්වා තබනු මැන
මා නිදන කුටියට පෙනෙන සේ...
ගායනය: විශාරද නන්දා මාලිනී
ගී පද: මහගම සේකර
සංගීතය: සරත් දසනායක
(මහගම සේකරයන්ගේ 'නොමියෙමි' කාව්‍ය සංග්‍රහයෙන් උපුටා ගත් පද පෙළකි)
No comments:
Post a Comment