මළ ඉර බසිනා සැන්දෑ යාමේ
ඔබ ගෙන් සමු ගන්නම්…
අඳුරට ඉඩ දී අඳුරේ සැඟවී...//
ඔබගෙන් වෙන් වී මම යන්නම්…
නිදි නැති යහනේ රෑ යාමේ
කාන්සියේ ඔබ හිඳිනා වේලේ…//
සුළඟේ දැවටී ඔබට හොරෙන්…//
මම ඔබ වෙත එන්නම්…
සියුමැලි දෑතින් ඔබ හිස අතගා…//
ඔබ නිදි කරවා මම යන්නම්…
අලුයම පිබිදෙන ඔබගේ දෑසේ
මල් පෙති අග පිනි කඳුළක් රඳවා…//
සුසුමක් වාගේ ඉන් පිටවී…//
ඔබගෙන් වෙන් වෙන්නම්…
අඳුරට ඉඩ දී අඳුරේ සැඟවී…//
ඔබගෙන් වෙන් වී මම යන්නම්…///
ගායනය: පණ්ඩිත් ඩබ්ලිව්. ඩී. අමරදේව
ගී පද : මහගම සේකර
සංගීතය : පණ්ඩිත් ඩබ්ලිව්. ඩී. අමරදේව
No comments:
Post a Comment