ඇසුණ ත් නෑසෙන දු‍ටුව ත් නොදකින
නුඹෙ තුන් සිත වැසෙනා
අපේ නටඹුන් ප්‍රේම නගරේ
වන්දනාකරු මා.. වන්දනාකරු මා..
ලෝ මහා පා සෙල් ටැඹක් යට
සිහිනයක් සේ පෙනේ නුඹ මට
හඬා වියොවින් හැඬූ නුඹෙ නෙත
ලියවැලක් දෝ සඳ පහන් මත
ඇසුණත් නෑසෙන.....
තැනිතලා මත රැඳුණ පියවිලි
සඳ පහන් යට ඇඳුණ සෙවනැලි
වැව්තලේ හස නඟන දිය‍රැලි
ගෙනේ නිරතුරු සිනා කඳුළැලි
ඇසුණත් නෑසෙන.....
ගායනය: ගුණදාස කපුගේ
ගී පද: මහින්ද චන්ද්‍රසේකර
සංගීතය: ගුණදාස කපුගේ
No comments:
Post a Comment