ඇය යන්න ගියා මැකිලා
වන සිරසක තුරු සෙවණැලි අතරේ
ගී ගයමින් හිඳ මා තුරුළේ
ඇය යන්න ගියා මැකිලා
පිනි කඳුළක් මල් පෙති අග තවරා
මිහිදුම් සළුවෙන් මුහුණ වසා...
නිල්ල නිලන නිල් කඳුවැටි අතරේ
සඳ එළියේ මං පෙත පාදා
රහසක් සඟවා ගොළු වූ හදකින්
යන්න ගියා මැකිලා...
යළි කවදාවත් හමු නොවනා බව
මඳ පවනක් හිස අතගා කීව ද
අදහා ගන්නට නොහැකිය කිසි දින
ඇය යළි නො එතැයි ගිම්හානෙට පෙර
යන්න ගියා මැකිලා.....
ගායනය: විශාරද අමරසිරි පීරිස්
ගී පද: සුනිල් සරත් පෙරේරා
සංගීතය: එච්.එම්. ජයවර්ධන
No comments:
Post a Comment